Қазақстан Республикасының Анкара қаласындағы Елшілігі мен Қожа Ахмет Ясауи атындағы Халықаралық қазақ-түрік университеті Еуразия ғылыми-зерттеу институты бірлесіп «1 желтоқсан Тұңғыш Президент күні» атты панель ұйымдастырып, Қазақстанның әрі бүкіл түркі әлемінің ұлы ақсақалы, Қазақстанның тұңғыш президенті – Елбасы Нұрсұлтан Назарбаевтың жетістіктерін талқылады.
Қожа Ахмет Ясауи атындағы Халықаралық қазақ-түрік университеті Еуразия ғылыми-зерттеу институтының директоры, доцент, доктор Вакур Сүмер жүргізген «1 желтоқсан Тұңғыш Президент күні» панелінің ашылуында Қазақстан Республикасының Түркия Республикасындағы Төтенше және өкілетті елшісі Абзал Сапарбекұлы, Қожа Ахмет Ясауи атындағы Халықаралық қазақ-түрік университетінің Өкілетті кеңес төрағасы профессор, доктор Мухиттин Шимшек және Түркі кеңесі бас хатшысының орынбасары, PhD Өмер Кочаман онлайн режимде қатысты.
Қазақстан Республикасының Түркия Республикасындағы Төтенше және өкілетті елшісі Абзал Сапарбекұлы өзінің кіріспе сөзінде осы ерекше күннің маңыздылығын атап өтіп, алғы сөз сөйлеудің үлкен мәртебе екенін білдірді. Түркия Республикасының негізін қалаған Мұстафа Кемаль Ататүрік болса, Тәуелсіз Қазақстанның негізін қалаушысы Елбасы Нұрсұлтан Назарбаев болғанын және мемлекеттердің негізін қалаушы есімдермен бірге ойға келетінін баса айтты. Абзал Сапарбекұлы Қазақстанның жаңғыру үдерісін көптеген мемлекеттердің 1990 жылдардағы жаңғыру үдерістерімен салыстырды. 1991 жылы 1 желтоқсанда халық сайлауы арқылы президенттікке келген Нұрсұлтан Назарбаев Қазақстанның сол кездегі қиын үдерісін өз сөзімен айтқанда, «жолайырығында тұрған мемлекеттің барлық ауыртпалығын өз мойнына алды» деп түсіндірді. Ол Нұрсұлтан Назарбаевтың Қазақстанды экономикалық, әлеуметтік және саяси тұрғыдан үш кезеңде өзгерту идеясы бүгінде сәтті түрде жүзеге асты деп мәлімдеген елші өз сөзін «Қазақстан мәңгі жасасын» деген сөздерімен аяқтады.
Қожа Ахмет Ясауи атындағы Халықаралық қазақ-түрік университетінің Өкілетті Кеңес төрағасы профессор, доктор Мухиттин Шимшек, Нұрсұлтан Назарбаевтың ірге тасын қалаған елді үй салумен салыстыра отырып, «Отан құру үй салудан әлдеқайда маңызды» деп баса айтты және түрік әлемінің дана ағасы, ақсақалы екенін мәлімдеді. Бірнеше жылдар бойы Қазақстанмен тығыз қарым-қатынаста болған, қазақстанның досы ретінде Қазақстанда туып-өскен қазіргі жастардың экономикалық және әлеуметтік әл-ауқатқа негізделе отырып, өздеріне деген сенімділікке ие екендігін және осы жастардың ел тағдырын шешетіндігін айтты. Сөзін аяқтай отырып, ол Нұрсұлтан Назарбаевқа салауатты өмір сүріп, бақытты және үмітке толы болуын тіледі.
Түркі кеңесі бас хатшысының орынбасары, PhD Өмер Кочаман Нұрсұлтан Назарбаевтың түрік әлемін біріктіретін ерекшелігі мен өмірбаяны туралы баяндады. Ол 2008-2011 жылдары Қазақстанда қызмет атқарған кезде екі маңызды кітапты оқығанын және осы екі кітаптың бірі Нұрсұлтан Назарбаевтың өмірбаяны туралы екенін айта отырып, бұл кітаптан қатты әсер алғанын, әсіресе Назарбаевтың болаттай берік ерік-жігері мен өз жолын жалғастыруға бел буғанын айтты. Ол Түркі кеңесі ретінде мүше мемлекеттердің даму қадамдары мен реформаларына әрдайым қолдау көрсететіндігін мәлімдеді. Ол Нұрсұлтан Назарбаевты құрметпен және сүйіспеншілікпен еске ала отырып, бауырлас қазақ халқына бейбітшілік пен гүлденуді тілей отырып сөзін аяқтады.
Панельдің ашылу сөзінен кейін бағдарлама баняндамалармен жалғасты. Әл-Фараби атындағы Қазақ ұлттық университеті Шығыстану факультетінен профессор, доктор Лаура Ерекешева, Гази университеті Ататүріктің негіздері және революция тарихы зерттеу және қолдану орталығының директоры, профессор, доктор Селма Йел, Халықаралық саясат институтының директоры және Таяу Шығыс Техникалық университетінің Халықаралық қатынастар бөлімінің меңгерушісі профессор, доктор Хүсейн Бағжы, Қожа Ахмет Ясауи атындағы Халықаралық қазақ-түрік университеті Еуразия ғылыми-зерттеу институты диреторының орынбасары, PhD Суат Бейлур және М. Әуезов атындағы Оңтүстік Қазақстан университеті Қазақстан тарихы факультетінің оқытушысы, PhD Гаухар Бақырбекқызы өз баяндамаларын ұсынды. Олар білікті ғалымдар ретінде осы ерекше күннің мәні мен маңыздылығын ерекше және әсерлі түрде жеткізді.
Панельдің соңында Қожа Ахмет Ясауи атындағы Халықаралық қазақ-түрік университеті Еуразия ғылыми-зерттеу институтының диреторы, доцент, доктор Вакур Сүмер барлық қатысушыларға өзінің ризашылығын білдіріп, «Қазақстан жасасын, Түркия жасасын, Қазақстан-Түркия достығы жасасын» атты ұранымен сөзін аяқтады.