Дөңгелек үстелге Қожа Ахмет Ясауи атындағы Халықаралық қазақ-түрік университеті Еуразия ғылыми-зерттеу институтының директоры доцент, доктор Вакур Сумер, Мимар Синан көркемөнер университеті AVRASKA зерттеу орталығының директоры, профессор, т.ғ.д. Әбдуақап Қара, Л.Н. Гумилев атындағы Еуразия ұлттық университеті «Отырар кітапханасы» ғылыми-зерттеу орталығының директоры, профессор, т.ғ.д. Данагүл Махат, Анкара Қажы Байрам Вели университетінің профессоры, доктор Гүлжанат Құрманғалиева Ержиласун, Ахмет Ясауи университеті Еуразия ғылыми-зерттеу институтының ғылыми қызметкері, PhD Aйнұр Ахметова қатысты. Ахмет Ясауи университеті Еуразия ғылыми-зерттеу институтының директоры, доцент, доктор Вакур Сумер алдымен Түрік ұлттық гимнінің қабылдануының 100 жылдығы және қазақтың ұлы ақыны Мағжан Жұмабаевтың жылдығына орай өткізілген дөңгелек үстелдің маңыздылығын атап өтіп, барлық мүдделі тараптарға және іс-шараны ұйымдастыруға үлес қосқан барлық қатысушыларға алғысын білдірді. Мағжан Жұмабаев «Ұзақтағы бауырыма» өлеңін аранап қалам тербеген сонау зұлмат жылдардағы Анадолыдағы азаттық күресінің ең үлкен рухани кейіпкері сөзсіз Мехмет Акиф Эрсой екенін айтқан доцент, доктор Вакур Сумер, ұлы күрескер Мехмет Акиф Эрсой мен Мағжан Жұмабаевтың Түркі әлеміндегі азаттық күресінің маңызды әдеби жетекшілері болғанын тілге тиек етті. Еуразия ғылыми-зерттеу институты ретінде, Мехмет Акиф Эрсой және Мағжан Жұмабаев сияқты Түркі әлемінің ұлы тұлғаларын одан әрі таныту және зерттеу үшін жүргізілген жұмыстарға тоқталған доцент, доктор Вакур Сумер, Еуразия ғылыми-зерттеу институты қолдаған ғылыми жоба нәтижесінде жарыққа шыққан «Түркі әлемінің ортақ тұлғасы» атты монографияны таныстыра отырып, аталмыш еңбектің Мағжан Жұмабаевтың өмірі мен шығармашылығы туралы ғылыми зерттеулерді толықтыра түсетінін мәлімдеді.
Дөңгелек үстелдің алғашқы баяндамасын жасаған Мимар Синан көркемөнер университеті AVRASKA зерттеу орталығының директоры, профессор, т.ғ.д. Әбдуақап Қара өз сөзінде қазіргі таңда Түркия мен Қазақстан бастаған барша Түркі әлемі тығыз ынтымақтастықта екендігін айта келе, осындай ынтымақтастық аясында рухани құндылықтарымыз бен мәдени қайраткерлерімізді жақсы білуіміз керек екендігіне баса назар аударды. Бұл тұрғыда Мехмет Акиф Эрсой мен Мағжан Жұмабаевтың барша Түркі әлемінде танылуы керек ұлы тұлғалар екенін айтқан профессор, т.ғ.д. Әбдуақап Қара, ұлт азаттық күрестерінің жетекшісі болған екі ақынның да өміріндегі маңызды сәттерге мысал келтірді. ХХ ғасырдың басында Ресей мен Орта Азиядағы Түркі халықтары өздерінің ұлттық мемлекеттерін құруға жолында күрес жүргізгенде, Андолы түріктері де Ататүрік бастаған Азаттық соғысы үшін күрес жүргізгенін баяндаған профессор, т.ғ.д. Әбдуақап Қара, қиын-қыстау кезеңдерде өз шығармаларымен ұлттық және рухани сананы нығайтуға қызмет еткен Мехмет Акиф Эрсой мен Мағжан Жұмабаев сияқты ұлы тұлғалар әрдайым есте сақталуы керек екенін атап өтті.
Екінші болып «ХХ ғасыр басындағы Түрік бірлігі идеясы» атты
баяндама жасаған Еуразия ұлттық университеті «Отырар кітапханасы» ғылыми-зерттеу орталығы директоры, профессор, т.ғ.д. Данагүл Махат, ең алдымен Ахмет Ясауи университеті Еуразия ғылыми-зерттеу институтына «Түркі әлемінің ортақ тұлғасы – Мағжа Жұмабаев» еңбегін шығаруға қолдау көрсеткені үшін ризашылығын білдіре отырып, барлық қатысушыларды Наурыз мерекесемен құттықтады. Осы тұрғыда Мағжан Жұмабаевтың Кеңес Одағының Орталық Азияда наурызды атап өтуге тыйым салуына қарсы ұлттық ұстанымын ұстанғанын және оның ұлттық мәдениеттің қорғаушысы болғандығын атап көрсетті. Мағжан Жұмабаевтың шығармаларындағы «Түрікшілдік» идеясының негізінен ескіден келген «Түркі бірлігі» пікірінен туындағанын түсіндірген профессор, т.ғ.д. Данагүл Махат, ақынның «Түрікшілдік» идеясына байланысты Кеңес Одағы тарапынан кінәлі деп танылып, атылғанын мәлімдеді.
Дөңгелек үстелдің үшінші баяндамашы Анкара Қажы Байрам Вели университетінің профессоры, доктор Гүлжанат Құрманғалиева Ержиласун «Мехмет Акиф Эрсой және Мағжан Жұмабаев: Ұлт азаттық идеясының негізгі қолдаушылары» атты баяндама жасады. Халық ақыны Мехмет Акиф Эрсойдың Түркі сарбаздарын ағартудағы күш-жігері мен түрік гимнін жазу үдерісі туралы әсерлі естеліктер айтқан профессор, т.ғ.д. Гүлжанат Құрманғалиева Эржиласун, әр жолында терең мағына бар Түрік ұлттық әнұраны Азаттық соғысы тарихынан алынған поэтикалық эпос екенін мәлімдеді. Сол кезеңдерде Анадолыдағы Азаттық күресін мұқият қадағалаған қазақ ақыны Мағжан Жұмабаев «Ұзақтағы бауырыма» атты өлеңімен Түркі халқына рухани қолдау көрсеткенін тілге алған профессор, т.ғ.д. Гүлжанат Құрманғалиева Ержиласун, Мағжанның шығармаларындағы тәуелсіздік рухы, ұлттық сана және Түрікшілдік идеясы туралы баяндады.
Дөңгелек үстелдің соңғы баяндамасын жасаған Ахмет Ясауи университеті Еуразия ғылыми-зерттеу институтының ғылыми қызметкері, PhD Айнұр Ахметова, Мехмет Акиф Эрсой мен Міржақып Дулатовтың өлеңдеріндегі бостандықты ашып көрсету мақсатында салыстырмалы талдау жасады. PhD Айнұр Ахметова Мехмет Акиф Эрсой мен Міржақып Дулатовтың өмірі мен шығармашылығындағы ұқсастықтар туралы айта отырып, екі ақынды біріктіретін ең маңызды элемент – олардың шығармаларындағы бостандық пен Түрікшілдік идеясы екендігін баса көрсетті. Сонымен қатар, Мехмет Акиф Эрсойдың өмірі мен шығармашылығы туралы Қазақстанда жасалған зерттеулерді қарастырған PhD Айнұр Ахметова, осыған байланысты зерттеулерді тереңдету және дамытудың маңызды екенін жеткізді.
Дөңгелек үстелдің соңында қатысушылар тақырып бойынша өзара пікір алмасты.