Еуразия ғылыми-зерттеу институтының директоры, доцент, доктор Вакур Сүмердің кіріспе сөзімен басталған семинарда Лоик Кобут Еуропалық Одақтың жаңартылатын энергетика саясаты мен төмен көміртекті экономикаға көшу үдерісін баяндап, осыған байланысты докторлық диссертациясы аясында жүргізілген кейбір зерттеулер туралы ақпарат берді. Ол өз сөзінде жаңартылатын энергетикалық қауымдастықтардың негізінен Батыс Еуропада таралған жаңа құбылыс екенін атап өтті. Ол мұндағы басты мақсат – кейбір ауылдық елді мекендердің ішкі қажеттіліктері үшін электр қуатын өндіретін қоғамдастық құру және оған ресурстар жинау екенін мәлімдеді. Ол бұл тәжірибенің әсіресе ауылдық жерлерде және ірі қалалық орталықтардан алыс елді мекендерде танымал болғанын баяндады. Мұның себебін шалғай елді мекендерді орталықтандырылған энергиямен қамтамасыз ету негізінен тиімсіз болғандығын жеткізді. Осылайша, ауылдағы жергілікті тұрғындар өздерінің жаңартылатын энергия көздерін (күн және жел электр станциялары) құру арқылы энергетикалық қоғамдастықтарды құрайды. Ол сондай-ақ, мұндай генераторлардың қалалар мен өнеркәсіптік аудандар үшін энергия өндіретін генераторларға қарағанда аз екенін атап өтті.
Ол семинардың жалғасында мұндай қауымдастықтарда меншіктің түрлерінің көп екенін айтты. Олар кейде жергілікті тұрғындардың қаражатынан толығымен қаржыландырылады, басқа жағдайларда мемлекеттік немесе жергілікті әкімшіліктер мұндай қоғамдастықтардың меншігі мен басқаруына қатыса алады. Мұндай жобаларға көбінесе жеке компаниялар мен шағын бизнес те белсенді қатысады. Лоик Кобуттың айтуынша, бұл тәжірибе тек энергетика саласында ғана емес, сонымен қатар жергілікті өзін-өзі басқару мен қоғамда да үлкен өзгерістер тудырады. Шындығында, мұндай энергия өндірісі қоғамды белгілі бір мағынада демократияландыруға жаңа мағына берді және тіпті «энергетикалық демократия» ұғымының пайда болуына себеп болды. Энергиямен жабдықтау енді тек мемлекет немесе ірі корпорация орындай алатын ерекше функция емес. Нәтижесінде, бұл тәжірибе жергілікті халықты энергия өндірісі мен энергетикалық сектордың автономиясы шеңберінде жұмылдыруға, энергетикалық автономды басқарудың төменнен жоғары құрылысына және энергияны орталықтандыру рөлінің төмендеуіне ықпал етеді. Зерттеуші Лоик Кобут жаңартылатын энергетикалық қауымдастықтардың арқасында энергетикалық нарықтағы ойыншылар санының сұраныс пен ұсыныстың күрт өсуіне сәйкес энергетика саласындағы нарықтық механизмдердің рөлі мен қарқындылығы артқанын баяндады. Ол сонымен бірге ЕО директивалары мен электр энергиясын өндіруге қойылатын экологиялық стандарттардың жаңартылатын энергия көздері қауымдастығының дамуына орасан зор әсер ететіндігін атап өтті.
Семинар соңында Лоик Кобут жергілікті энергетикалық қауымдастықтарды құру тәжірибесі қазіргі кезде негізінен Батыс Еуропада, АҚШ-та, Жаңа Зеландияда және басқа дамыған елдерде кең таралғанын, сонымен бірге дамушы елдерде көбейе бастағанын атап өтті. Лоик Кобут өз сөзін энергетикалық сектордың дербестігі жақын болашақта қарқынды дамып, өмірдің басқа салаларына әсер ету арқылы елеулі өзгерістерге әкелетіндігін айтып аяқтады.
Семинардың соңында қатысушылардың тақырып бойынша әр түрлі ойларымен бөлісіп, өзара пікір алмасыты.