Т.ғ.д., профессор Досбол Байғұнақов семинарды өзін таныстырудан бастады. Бұдан бұрын Еуразия ғылыми-зерттеу институтында жұмыс істегенін айта отырып, институттың барлық қызметі мен жарияланымдарын мұқият қадағалап отыратынын мәлімдеді. Көптеген жылдар бойы ежелгі дәуір мен орта ғасыр бойынша ғылыми зерттеулермен айналысқан т.ғ.д., профессор Досбол Байғұнақов жақын арада осы зерттеулердің нәтижесінде пайда болған еңбегі жарыққа шығатынын айтты. Елбасы Нұрсұлтан Назарбаевтың «Ұлы даланың жеті қыры» атты мақаласының арқасында аталмыш дәуірге көбірек мән беріле бастағанын тілге тиек етті.
Семинар жалғасында т.ғ.д., профессор Досбол Байғұнақов шәкірттерімен бірге Қазақстандағы көптеген ежелгі қорғандарда жүргізілген археологиялық зерттеулер туралы толық ақпарат берді. Т.ғ.д., профессор Досбол Байғұнақовтың айтуынша, ежелгі дәуірлер мен орта ғасырлардағы адамдардың өмір туралы түсінігінде көптеген өзгерістер болған жоқ. Себебі, бұл аймақтағы тайпалар салт-дәстүрлерге ерекше мән берді. Жауынгерлік рухты көтеру үшін ат үстінде отырып ту ұстау осы аймақтың тайпаларына тән болды. Т.ғ.д., профессор Байғұнақов ежелгі дәуір мен орта ғасырдың туларындағы нақыштар бүгінде де халық арасында дәстүрге айналғанын айтты.
Семинар соңында Еуразия ғылыми-зерттеу институтының директоры доцент, доктор Вакур Сумер, институт ғылыми қызметкерлері және семинарға қатысқан қонақтар тақырып бойынша сұрақтар қойып, өзара пікір алмасты. Семинар т.ғ.д., профессор Досбол Байғұнақовқа сертификат табыстаумен тәмамдалды.