Түркиямен терең тарихи қатынастары бар Иран мен оның төңірегі туралы зерттеулер жүргізу үшін құрылған Иран зерттеу орталығы (IRAM) делегациясы Еуразия ғылыми-зерттеу институтындағы кездесуі барысында түркі әлемінің аймақтық және жаһандық мәселелері талқылап, халықаралық қатынастардағы негізгі оқиғалар бойынша пікір алмасты. Әсіресе, әр түрлі аймақтық мәселелер талқыланған кездесуде өзара диалог пен ынтымақтастық туралы де ой бөлісілді.
IRAM директоры доктор Хаккы Уйгур Түркиядағы зерттеу орталықтарының жалпы немесе аймақтық үдерістерді зерттеуге бағытталғанын айта отырып, IRAM-ның Иранмен байланысты мәселелерге бағытталған жалғыз орталық екенін атап өтті. Иранның Таяу Шығыс және Түркиямен тығыз байланыста екендігін атап өткен ИРАМ директоры, доктор Хакки Уйгур IRAM-ның Иранның мәдени, тарихи, әлеуметтік, саяси және экономикалық бағытын зерттеу арқылы Иранды түрік және халықаралық қоғамдастыққа таныстыруды мақсат ететінін түсіндірді. İRAM зерттеулері алауыздықты азайту арқылы ынтымақтастыққа мүмкіндік беретін білім мен түсінікті дамытуға бағытталғанын айтқан доктор Хакки Уйгур Иранның ішкі үдерістері мен сыртқы байланыстарында және әлемдегі жаңа өзгерістер тұрғысынан маңызды өзгерістер болып жатқандықтан, Иран туралы зерттеулердің маңыздылығын тілге тиек етті. İRAM-ның басты мақсаты тек Иранға қатысты зерттеулер жүргізу және аймақтың қуатты күшін ғылыми және объективті түрде тануға үлес қосу, сондай-ақ, көрші елдің жақсы танымал болуына мүмкіндік беру екенін атап өткен доктор Хакки Уйгур İRAM-ның Таяу Шығыстың ықпалды елдерінің бірі Иран мен оның ықпал ету аймақтары туралы ғылыми әрі объективті зерттеулер жүргізуді және сыртқы саясатты дұрыс талдауға үлкен үлес қосуды мақсат ететінін атап көрсетті.
Сапар барасында Қожа Ахмет Ясауи атындағы Халықаралық қазақ-түрік университеті Еуразия ғылыми-зерттеу институтының директоры, доцент, доктор Вакур Сүмер Еуразия ғылыми-зерттеу институтының университеттің миссиясы мен көзқарасына сәйкес және академиялық негізде Қазақстан мен Түркия арасындағы қатынастардың дамуына үлес қосу мақсатында жүргізіп жатқан зерттеулері туралы әңгімеледі. Жалпы Еуразия аймағы, атап айтқанда Орталық Азия мен Қазақстанды бойынша экономика, қаржы, энергетика, халықаралық қатынастар, тіл, тарих және әлеуметтік мәселелерге назар аударатынын айтты. Сонымен қатар, бұл зерттеулердің ағылшын, қазақ, орыс және түрік тілдерінде басылып, оқырмандардың саны едәуір артқанын тілге тиек етті. Ғылыми іс-шаралар шешім қабылдаушыларға саяси ұсыныстар беру және білімді стратегияға айналдыру мақсатында жүргізілген зерттеулерде байланысты салалардағы әдебиеттерге үлес қосу логикасымен жүзеге асырылатындығын атап өтті. Еуразия ғылыми-зерттеу институты – аймақтық зерттеулер жүргізетін зерттеушілер үшін өте маңызды және қажетті ағылшын және түрік басылымдарымен академиялық білімнің байлығын арттыратын санаулы институттардың бірі екендігін жеткізді. Ол өткізілген іс-шаралар көптеген өзекті мәселелерге жол сілтейтінін және академиялық байланыстарды орнатуда маңызды рөл атқаратынына да тоқталды
Доцент, доктор Вакур Сүмер Еуразия ғылыми-зерттеу институты құрылған 2014 жылдың тамыз айынан бастап жоғарыда аталған мақсаттарға сәйкес сапалы жұмыстарға қол жеткізу арқылы ғылыми қауымдастыққа аз уақыт ішінде таныла бастағанын баса айтты. Осы зерттеулердің мысалы ретінде ол екі жылда бір рет өткізілетін Халықаралық экономика, қаржы және энергетикалық конгресс (EFE) деп аталатын іс-шара институттың маңызды бренд қызметтерінің бірі болып табылатынын мәлімдеді. Әр конгреске 100-ге жуық маман, сондай-ақ, әлемге әйгілі 2015 жылғы Нобель сыйлығының лауреаты профессор, доктор Азиз Санжар сияқты ғылыми әлемнің маңызды тұлғаларының қатысуы аймақтық зерттеулерге де, Еуразия ғылыми-зерттеу институтының ғылыми қызметіне де қызығушылықтың айқын дәлелі екенін атап өтті.
Институт аясында Түркі әлемінің көптеген мекемелерімен академиялық шеңберде ұйымдастырылған бірлескен зерттеулер мен іс-шаралар, сондай-ақ, осы салаларға өзіндік үлес қосатын мамандар арасында платформа ретінде қызмет етудің үлкен пайдасы бар екенін баса айтты. Институтта өткен Халықаралық Матуридизм симпозиумы (2015), Қожа Ахмет Ясауидың рухани мұрасы атты халықаралық Ясауи семинары (2016), профессор, доктор Илбер Ортайлының берген «Түркі әлемі мен түркітанудың өзекті мәселелері» семинар-конференциясы (2018), Түркі тілдеріндегі тарихи қолжазбаларды зерттеу Халықаралық симпозиумы (2019) сияқты ортақ тарихымызды көрсететін іс-шаралар туралы баяндаған доцент доктор Вакур Сүмер, бұлардан басқа институттың «Абай және түркі әлемі», «Азия-Тынық мұхиты еркін сауда келісімі және оның ғаламдық жүйеге көпжақты әсері», «COVID-19 әсері бойынша әлемнің жаңа экологиялық-саяси күн тәртібі» және «Аймақтық деңгейдегі Қазақстан-Түркия қатынастары» сияқты көптеген өзекті мәселелермен бірге панельдер, конференциялар мен семинарлар өткізгенін жеткізді. Ол бұл жетістіктер халықаралық ұйымдардың назарын аударып, әлемдегі түрлі сараптама орталықтарының рейтингінде өз жолын тапқанын тілге тиек етті. Осы тұрғыда Global Think Tanks индексіне тоқтала отырып, Институт 2018 жылы алғаш рет енген бұл индексте өзінің беделін бірнеше жыл ішінде жоғарылатқанын және түрлі тізімге енгенін атап өтті.
Кездесуден кейін Еуразия ғылыми-зерттеу институтының директоры, доцент, доктор Вакур Сүмер IRAM директоры, доктор Хакқы Уйгурға алғысын білдіріп, институт басылымдарын тарту етті.