Профессор, доктор Фатих Мангыр семинарында коронавирус (ғылыми атауы «COVID-19») індеті әлемдік экономикаға бұрын-соңды болмаған деңгейде әсер еткенін мәлімдеді. Денсаулық пен экономика арасындағы байланыстың маңыздылығын атап өткен баяндамашы әлемдегі COVID-19 індеті туралы статистикалық ақпаратқа назар аударды. Түркияда COVID-19 індеті басталған күндері өлім-жітім деңгейі 10% шамасында болғанын, ал қазіргі уақытта 1%-ға дейін төмендегенін айтты.
Семинар барысында профессор, доктор Фатих Мангыр «COVID-19» індеті барлық дерлік елдердің өсу қарқынының төмендеуіне, жұмыссыздық деңгейінің артуына, инфляция деңгейінің өсуіне және төлем балансының бұзылуына себеп болғанын атап өтіп, жалпы қаржы нарықтарында баяулау үрдісі байқалғанын айтты. Профессор, доктор Фатих Мангыр мұндай жағдайда қазыналық саясат, ақша-несие саясаты және құрылымдық шаралар қолдану қажеттігін тілге тиек етті. Қазыналық саясат аясында шығындар арттырылып, салықтар төмендетілетінін айтты. Ақша-несие саясаты шеңберінде ақша-несие экспансиясы арттырылып, пайыздық мөлшерлемелер төмендетілетінін және несие жеңілдіктері қамтамасыз етілетінін жеткізді. Ал құрылымдық шаралар аясында әлеуметтік қамсыздандыру саласында реформалар жасалып, сандық түрлендіру жүзеге асырылатынын, сондай-ақ құқықтық және демократиялық қадамдар жасалатынын түсіндірді.
Семинар соңында профессор, доктор Фатих Мангыр COVID-19 індетінің әлемге әсерін әлемдік қор нарығының индексі, АҚШ-та ауыл шаруашылығынан тыс салаларда жұмыспен қамту, Қытайдың өндірістік деректері, Еуропалық Одақтағы 10 жылдық облигациялар кірісінің өзгеруі және PMI индексі («Purchasing Managers’ Index»: Іскерлік белсенділік индексі) тақырыптарында талқылады. Профессор, доктор Фатих Мангыр баяндама соңында Еуразия аймағында қабылданған шаралар мен жалпы аймақтағы ахуал туралы мағлұмат берген соң, барлығына денсаулық тілеп сөзін аяқтады.