Еуразия ғылыми-зерттеу институтының директоры, доцент, доктор Вакур Сүмердің ашылу сөзінен кейін сөз алған Еуразия ғылыми-зерттеу институты директорының орынбасары, доктор Суат Бейлур өз баяндамасын тәуекелдік, Covid-19 пандемиясы және әлеуметтік қатынастар аясында кейбір негізгі түсініктемелер беруден бастады. Өз баяндамасының кіріспесінде доктор Суат Бейлур тәуекел ұғымы қазіргі кезде негізінен рационалды таңдау тәсілі, рефлексті модернизация тәсілі, мәдени көзқарас, сыни және постмодерндік көзқарас сынды бес негізгі деңгейде қарастырылатынын айта келіп, әр тәсілдің кейбір өзгешеліктерімен қатар ішінара ортақ көзқарасы бар екендігімен бөлісті. Аталмыш тәсілдерден рационалды таңдау әдісі, рефлексті модернизация тәсілі және мәдени тәсіліне көбірек тоқталған доктор Суат Бейлур қазіргі қоғамның Ульрих Бек пен Энтони Гиденистің ойлары негізінде «тәуекел қоғамы» ретінде қарастырылатынын және тәуекелдің ғаламдық сипаты мен сипаттамаларына баса назар аударылғанымен, тәуекел және тәуекелді қабылдау мәдени көзқарас тұрғысынан шын мәнінде қоғамнан қоғамға, тіпті сол қоғамның төмен сатыларына байланысты да ерекшеленетінін атап өтті.
Аталмыш үш тәсілдің кейбір тұжырымдамаларын талқылай отырып доктор Суат Бейлур қатысушылармен Covid-19 пандемиясының әлеуметтік институттар мен жүйелерден туындаған психо-әлеуметтік қауіп-қатерлері барлық қоғамдарда біршама ортақ нәтижелер тудыратыны белгілі болғанымен, дәстүрлі қоғамдарда бұл әсерлер әр түрлі болуы мүмкін екендігімен бөлісті.
Доктор Суат Бейлур Covid-19 пандемиясының Қазақстандағы әлеуметтік қатынастарға әсері туралы өзінің салалық зерттеулерінің кейбір нәтижелерімен бөлісе отырып, Қазақстандағы әлеуметтік құрылым, отбасы құрылымы және одан туындайтын қарым-қатынас тығыздығы әлеуметтік қатынастарға қалай әсер ететінін зерттеуге тұрарлық деп мәлімдеді және белгілі бір көзқарастар мен іс-әрекеттерде керемет нәтижелерге қол жеткізілгендігі туралы атап өтті. Әлеуметтік арақашықтықты сақтау, бетперде тағу, әсіресе үйлену тойлары мен көңіл айту сияқты рәсімдерге қатысу «қазіргі қауіп-қатерлерге» қарамастан әлі де жоғары көрсеткіште екендігін жеткізді.
Семинар соңында қатысушылар тақырып бойынша өзара пікір алмасты. Еуразия ғылыми-зерттеу институтының директоры, доцент, доктор Вакур Сүмер өзекті баяндамасы үшін доктор Суат Бейлурге алғысын білдіріп, осы салада жасалатын жұмыстың маңыздылығын тілге тиек етті.