Конференция Ахмет Ясауи университеті Еуразия ғылыми-зерттеу институтының мәжіліс залында өтті. Ахмет Ясауи университетінің Өкілетті кеңес төрағасы профессор, доктор Мұса Йылдыз басшылық еткен іс-шараға Түркия Республикасының Алматы қаласындағы Бас консулы Али Рыза Акынжы және басқа да қонақтар қатысты. Конференция Еуразия ғылыми-зерттеу институтының директоры доцент, доктор Вакур Сүмердің кіріспе сөзімен басталып, профессор, доктор Фырат Пурташтың баяндамасымен жалғасты. Профессор, доктор Фырат Пурташ өз сөзін Ахмет Ясауи университеті Еуразия ғылыми-зерттеу институтының директоры доцент, доктор Вакур Сүмерге және іс-шараны ұйымдастырған барлық институт қызметкерлеріне алғыс айтудан бастады.
Профессор, доктор Фырат Пурташ баяндамасының «Түркітілдес мемлекеттер ынтымақтастығы кеңесінің «Түркі келешегі-2040» бағдарламасы және Қазақстан Республикасының Тұңғыш Президенті – Елбасы Нұрсұлтан Әбішұлы Назарбаев» атты тақырып төңірегінде өрбитінін айтты. 2019 жылы 4 қарашада Елбасы Нұрсұлтан Назарбаевтың Түркістанға жұмыс сапарымен барғанда «Түркістан – түркі әлемінің бесігі» деп тұжырым жасағанын атап өткен профессор, доктор Фырат Пурташ түркі өркениетінің Түркістаннан бастау алатынын айтты. Бұл тұрғыда ол Түркістан қаласының Оңтүстік Қазақстан облысының орталығы болып жариялануын бүкіл түркі әлемі үшін аса маңызды тарихи шешім екенін баса айтты.
Конференция жалғасында профессор, доктор Фырат Пурташ 2019 жылдың 12 қазанында Қазақстан астанасы Нұр-Сұлтан қаласында өткен «Астана клубының» отырысында Нұрсұлтан Назарбаевтың Түркі кеңесінің болашағын қалыптастыратын бастамасы туралы ақпарат берді. Профессор, доктор Пурташ Қазақстанның бүкіл түркі әлемі мен әлем бейбітшілігіне қосқан үлесінің маңызды екенін түсіндірді. Сөздерін жалғастыра отырып, профессор, доктор Фырат Пурташ «Түркі келешегі-2040» бағдарламасының мақсаттарына жеке-жеке тоқталып өтті және бұл бағдарламадағы ең маңызды мақсаттың түркі мемлекеттері арасында Кеден одағын қалыптастыру екенін атап көрсетті. Профессор, доктор Пурташ түркі әлеміне және Түркі одағының құрылуына деген үлкен сенімін білдіріп, өз сөзін аяқтады.
Конференция соңында қатысушылар сұрақ-жауап бөліміне өтіп, аталған тақырып бойынша пікір алмасты. Бұл бөлімде Ахмет Ясауи университеті Өкілетті кеңес төрағасы профессор, доктор Мұса Йылдыз бен Түркия Республикасының Алматы қаласындағы Бас консулы Али Рыза Акынжы айтылған пікірлерді жалпылап, қорытындылады. Конференция бағдарламасы соңында Ахмет Ясауи университеті Өкілетті кеңес төрағасы профессор, доктор Мұса Йылдыз бен Түркия Республикасының Алматы қаласындағы Бас консулы Али Рыза Акынжы шақырылған баяндамашы, профессор, доктор Фырат Пурташқа алғыс хат пен арнайы сыйлық табыстады.