2017 жылдың 28 желтоқсанында Мугла университетінің оқытушылары профессор, доктор Али Акар және доцент, доктор Кенан Коч Еуразия ғылыми-зерттеу институтында болды.
Профессор, доктор Али Акар және доцент, доктор Кенан Кочтың Алматыға сапары аясында Институтымызда «Түрік тілінің тарихы» атты кітаптың таныстырылымы өтті. Еуразия ғылыми-зерттеу институтының директоры доцент, доктор Вакур Сүмердің кіріспе сөзімен басталған кездесу Акар мен Кочтың сөз сөйлеуімен жалғасты.
Коч өз сөзінде адамзаттың негізгі байланыс құралы болып табылатын тілдің әлеуметтік, саяси, экономикалық, мәдени және басқа да көптеген салаларда қоғамдарды іштен біріктіретін және қоғам ретінде қалыптастыруға мүмкіндік беретін негізгі құралдардың бірі екенін атап өтті. Коч тарихта әрбір қауымдастықтың өз тілінің болғандығын және кейбіреулері уақыт өте келе ұмытылғанына қарамастан, бүгінгі әлемде 3000-нан астам тілдің бар екендігін айтты.
Профессор, доктор Али Акар өз сөзінде «Түрік тілінің тарихы» атты кітапта қарастырылған кезеңнің тарихы мен географиясы туралы жалпы және негізгі ақпарат беріп, сол кезде жарыққа шыққан негізгі туындыларға тоқталып өтті және оларға қатысты жасалған ғылыми зерттеулердің библиографиялық мәліметтерін ортаға салды. Акар түрік тілі сияқты тамыры терең, әрі осыншалық үлкен географиялық аймаққа таралған тілдердің өте аз екендігін ерекше атап өтті. Ол өз сөзінің жалғасында тіліміздің негізгі тарихы мен грамматикасын жазу үшін әуелі жазба тіліне айналған тілдердің негізгі көздерін анықтап, оларға қатысты жасалған ғылыми жұмыстарды біріктіру қажеттігін тілге тиек етті. Ол кітаптың мақсаты тіліміздің тарихи кезеңдерін таныстырып, сол кезеңдерде жазылған туындылар мен оларға қатысты ғылыми зерттеулер туралы жалпы ақпарат беру екенін түсіндірді. Профессор Акар «Бұл кітап Түрік тілі мен әдебиеті», Қазіргі түрік тілі мен әдебиеті және Түрік тілін оқыту бөлімдерінде оқытылатын Түрік тілінің тарихы бойынша курстарға арналған болса да, Түркітану жайлы жалпы ақпарат алғысы келетіндер үшін де пайдалы” деді.
Кездесу соңында профессор, доктор Али Акар және доцент, доктор Кенан Коч Қазақстанның латын әліпбиіне көшу туралы шешім қабылдағаны түрік тілдерін бір-бірімен жақындастыра түсу үшін өте пайдалы екенін айтты және институтымыздың жұмысына табыс тіледі.
