2019 жылдың 10 қаңтарында Еуразия ғылыми-зерттеу институтының ғылыми қызметкері Ажар Серікқалиева «Адамзаттың ортақ тағдыры қоғамдастығы: Қытайдың сыртқы саясатындағы жаңа үрдістер» атты тақырыпта семинар өткізді.
Ажар Серікқалиева семинарында 2017 жылы 14-15 мамырда Пекинде өткен «Бір белдеу, бір жол» форумында Қытай тарапынан ұсынылған «Адамзаттың ортақ тағдыры қоғамдастығы» тұжырымдамасы туралы ақпарат берді. Серікқалиева бұл тұжырымдаманың енгізілуімен «өз мүмкіндіктерін жасыру және ыңғай сәтті күту» стратегиясын ұстанған Дэн Сяопин дәуірінің аяқталғанын айтты. Пекин бұдан бұрын Қытай мен Тайвань арасындағы байланыстарды білдіретін «ортақ тағдыр» терминін пайдаланған болатын. Қытайдың басқа егемен мемлекеттермен қарым-қатынасына назар аударатын Адамзаттың ортақ тағдыры қоғамдастығы әуелі 2011 жылдың қыркүйегінде Қытайдың бейбіт дамуы аясында «Ақ кітапта», кейінірек 2012 жылдың қарашасында Қытай Коммунистік партиясының 18-ші съезінде орын алды. ҚХР Төрағасы Си Цзиньпин 2013 жылы наурызда қызметіне кіріскеннен бері бұл тұжырымдамаға көп көңіл бөлінуде. Шетелге ресми сапар шегу кезінде бұл тұжырымдама туралы бірнеше рет айтқан Си Цзиньпин 2017 жылдың қазан айында Қытай Коммунистік партиясының 19-шы съезінде де бұған көңіл бөлді.
Баяндамашы, сондай-ақ, Си Цзиньпиннің басшылығымен Қытайдың халықаралық аренадағы рөлі өскенін атап өтті. Атап айтқанда, Си Цзиньпиннің сыртқы саясатты жандандыру жөніндегі күш-жігері мыналарды қамтиды: «Бір белдеу, бір жол» бастамасының іске қосылуы, Қытайдың жаһандану үдерісін қолдайтыны туралы Давос форумында сөз сөйлеуі, Оңтүстік Қытай теңізіндегі прогресс; шетелдегі алғашқы әскери базаның ашылуы және Қытайдың халықаралық аренадағы ықпалының қалпына келуі. Семинарда Қытайдың халықаралық аренадағы өршіл жоспарларының іске асырылуы ел ішіндегі репрессиялық билікпен бірге жүретіні атап өтілді.
Семинар соңында қатысушылар баяндамашыға сұрақ қойып, осы тақырып бойынша пікір алмасты.
