Қазақстандағы этникалық корейлердің рухани және мәдени құндылықтары: сабақтастығы, өзгерісі және өзара ықпалы
2021 жылы 3 маусымда Әл-Фараби атындағы Қазақ ұлттық университеті Шығыстану факультеті Қиыр Шығыс кафедрасы Корейтану бөлімінің меңгерушісі Лин Бенг Жо «Қазақстандағы этникалық корейлердің рухани және мәдени құндылықтары: сабақтастығы, өзгерісі және өзара ықпалы» атты онлайн семинар өткізді.
Ахмет Ясауи университеті Еуразия ғылыми-зерттеу институтының директоры, доцент, доктор Вакур Сүмердің кіріспе сөзінен кейін баяндамасын бастаған доктор Лин Бенг Жо Қазақстандағы корейлердің рухани және мәдени құндылықтарының сабақтастығы, өзгеруі және өзара ықпалын жан-жақты баяндады
Доктор Лин Бенг Жо корейлердің 19 ғасырдың ортасынан бастап Ресейге, 1937 жылдан бастап Орта Азияға жер аударылғанын және олардың Еуразияда аймағында 150 жылдан бері өмір сүріп келе жатқанын тілге тиек етті. Ол аймаққа қоныстанған корейлердің сахна өнері, халықтық медицинасы, ауылшаруашылық мәдениеті, дәстүрлері, әдет-ғұрыптары, ойын-сауықтары мен мерекелері сияқты рухани, тарихи және мәдени құндылықтары бүгінгі күнге дейін сақталғанын түсіндірді. Доктор Лин Бенг Жо корейлер жергілікті мәдениеттермен де қарым-қатынаста болатынын да атап өтті.
Семинардың жалғасында доктор Лин Бенг Жо Қазақстанда тұратын корейлер өздерінің ұлттық дәстүрлерін жоғалтпастан қазақтың дәстүрлері мен мәдени құндылықтарын қабылдай отырып, жергілікті қоғамға ойдағыдай сіңісіп кеткендігін айтып, ел мәдениетінің құндылығына барынша үлес қосқандығын атап өтті. Корейлердің Қазақстанға қоныстанғаннан кейінгі 80 жылдық кезеңінде қалыптасқан рухани-мәдени құндылықтардың жергілікті сипаттамаларынн тоқталған доктор Лин Бенг Жо мысал ретінде аймақтағы «Чосон», «Ариран» және «Корё» театрларын келтіріп, дәстүрлі орындаушылық өнердің өркендегенін айтты. Сондай-ақ, корейлердің дәстүрлі емдеу әдістері туралы айта отырып, доктор Лин Бенг Джо Бангтоның сирек кездесетін емдік сиқыры барын, оны Оңтүстік Кореяда да табу қиын екенін, сонымен қатар жусан немесе тамыр сабағының көмегімен емдеу әдістері Қазақстандағы корейлер арасында әлі де жалғасып келе жатқанын жеткізді.
Доктор Лин Бенг Жо жаһандану дәуірінде Қазақстанның келісім мен тұрақтылыққа негізделген саясаты елдегі корейлерге өздерінің рухани және мәдени құндылықтарын лайықты қорғауға мүмкіндік беретіндігін атап көрсетті. Осы тұрғыда ол Қазақстандағы корей диаспорасы қандай материалдық және материалдық емес мәдени мұраларды сақтайтындығын және қандай жергілікті мәдени құндылықтарды қабылдағанына мысалдар келтірді.
Семинар соңында қатысушылар тақырып бойынша пікір алмасты. Еуразия ғылыми-зерттеу институтының директоры, доцент, доктор Вакур Сүмер, семинары үшін доктор Лин Бенг Жоға алғысын білдіріп, болашақта осы тақырыпқа қатысты маңызды басылымдар мен зерттеулер жасалуы керек екенін атап өтті.
