2020 жылы 30 қаңтарда Қазақстан Республикасы Ұлттық машина жасау және көлік академиясының академигі, т.ғ.д., профессор Жиенқұлов Серғазы Ахметұлы «Ұлы түркілер және ұлы дала» тақырыбында семинар өткізді.

Семинарда кіріспе сөз сөйлеп, модератор болған Еуразия ғылыми-зерттеу институтының директоры доцент, доктор Вакур Сүмер түркі тарихы тереңге жайылғанын атап өтіп, т.ғ.д., профессор Серғазы Ахметұлы сияқты осы салаға үлес қосқан ғалымдарға алғысын білдірді. Сондай-ақ, Вакур Сүмер барлық силы қонақтарға семинарға қатысқандары үшін алғыс айтты.

Т.ғ.д., профессор Серғазы Ахметұлы семинарында түркі халықтары өмір сүрген тарихи кезең мен олардың әлемге таралуы туралы сөз етіп, түркілердің шығу тегі туралы айтты. Т.ғ.д., профессор Серғазы Ахметұлы тарих бойынша түркі халықтарының байланыстарына тоқталып өтіп, олардың шығу тегі жағынан бір-біріне қаншалықты жақын екендігін түсіндірді.

Семинар жалғасында т.ғ.д., профессор Серғазы Ахметұлы түркі халықтары өмір сүрген аймақтар туралы да сөз қозғап, «Түркі әлемі» деген кең байтақ аймақта халықтардың географиялық қоныстануы мен тарихы туралы ой бөлісті. Сондай-ақ, қазіргі түркі әлеміндегі елдер туралы түрлі тарихи мәліметтер келтірді.

Семинар соңында Қазақстан Республикасы Ұлттық машина жасау және көлік академиясының академигі, т.ғ.д., профессор Жиенқұлов Серғазы Ахметұлының «Ұлы түркілер және ұлы дала» атты кітабы таныстырылып, автордың қолтаңбасы қойылған аталмыш еңбек институт кітапханасына табыс етілді. Еуразия ғылыми-зерттеу институтының директоры доцент, доктор Вакур Сүмер де Серғазы Ахметұлына институт басылымдарын сыйға тартты.