Еуразия ғылыми-зерттеу институтының ғылыми қызметкері Әсет Ордабаев «Еуразияның көлік торабы ретінде Орталық Азия» атты тақырыпта семинар өткізді
Әсет Ордабаев семинарында Орталық Азияны көлік және транзит торабына айналдырудың мүмкіндіктері мен кедергілері туралы ақпаратпен бөлісті. Бұл мәселені ішкі және сыртқы тұрғыдан қарастыру қажеттігін атап өткен Ордабаев екі факторға жеке-жеке тоқталды.
Ішкі факторлар арасында әсіресе аймақтың инфрақұрылымдық мәселелерін қарастырды. Осыған байланысты Ордабаев Орталық Азия елдері автомобиль жолдарын, темір жолдарды, вагондарды және басқа теміржол жабдықтарын жаңартып, бюрократиялық мәселелерді шешу және сыбайлас жемқорлыққа қарсы тұру қажеттігін алға тартты.
Ордабаев сыртқы факторлар ретінде Ресей мен Қытайдың қарым-қатынастарына тоқталды. Бұл елдер аймақтағы көлік және транзит саласында бір-бірімен бәсекелеспей, салыстырмалы түрде үйлесімді әрекет ететінін айтты. Оның айтуынша, Ресей Қытайға Орталық Азия аймағында көлік инфрақұрылымын дамытуға инвестиция жасауға мүмкіндік бергенімен, Орталық Азияда Қытайдың инвестицияларын бәсекеге қабілетті деп қарастырмайды.
Ордабаев егер инфрақұрылымды жақсарту мақсаты орындалса, бұл аймақ «Бір белдеу, бір жол» жобасы аясында маңызды транзиттік бағыттардың біріне айналуы мүмкін екенін тілге тиек етті. Сонымен қатар, ол сыртқы факторлар, әсіресе геосаяси тепе-теңдік әлі де Орталық Азия елдерінің пайдасына жүзеге асып жатқанын, бірақ бұл «мүмкіндіктер терезесі» кез-келген уақытта жабылуы мүмкін екенін атап өтті.
Семинар соңында қатысушылар Орталық Азиядағы көлік мәселелері бойынша пікір алмасты.
