2020 жылдың 21 қыркүйегінде Түркия Республикасының Қазақстан Республикасындағы Төтенше және өкілетті Елшісі Уфук Экиджи Алматыға жұмыс сапары аясында Еуразия ғылыми-зерттеу институтында болды.
Түркия Республикасының Қазақстан Республикасындағы Төтенше және өкілетті Елшісі Уфук Экиджи Алматыға жұмыс сапары аясында Түркия Республикасының Алматы қаласындағы бас консулы Али Рыза Акынджы және консулдық қызметкерлерімен бірге Еуразия ғылыми-зерттеу институтында болды. Кездесу барысында институт директоры доцент, доктор Вакур Сүмер институттың Қожа Ахмет Ясауи атындағы Халықаралық қазақ-түрік университетінің мақсаты мен міндетіне сәйкес ғылыми зерттеу жұмыстарын жүргізіп жатқандарын мәлімдеді.
Вакур Сүмер атқарылған жұмыстар туралы ақпарат бері, жалпы Еуразия аймағы, әсіресе Орталық Азия аймағы бойынша экономика, халықаралық қатынастар, энергетика, қоршаған орта және мәдениет салаларында көптеген ғылыми зерттеулер жүргізіліп жатқандығы жайында айтты. Ол бұл зерттеулер арқылы ғылыми әдебиетке өз үлестерін қосып жатқандарын, сондай-ақ төрт тілде материал жариялау арқылы аймаққа қатысты ағылшын және түрік тілдеріндегі басылымдар санын көбейтуге ықпал етіп жатқандарын мәлімдеді. Жүргізіліп жатқан ғылыми зерттеулердің маңыздылығына назар аударған Елші Уфук Экиджи өз сөзінде Алматыда мұндай институттың өз қызметін жалғастыра беру қажеттігін атап өтіп, институт жұмысына сәттілік тіледі.
Кездесу барысында институттың кітапханасы және басқа да материалдық базалары таныстырылып өтіп, осы тұрғыда болашақ жоспарлар мен жобалар туралы ақпарат ұсынылды. Кездесу соңында институт директоры доцент, доктор Вакур Сүмер институттың апталық, айлық, жартыжылдық және жыл сайынғы төрт тілде жарық көретін басылымдары мен кітаптарын сыйға тартты. Елші Уфук Экиджи болса Қазақстан мен Түркия арасындағы достық пен бірліктің белгісі ретінде институт директоры доцент, доктор Вакур Сүмерге естелік сыйлығын табыстады.
