Қадірлі де құрметті оқырман қауым!
2017 жылдың алғашқы санын ұсынып отырмыз. Бірінші жылымызды сәттілікпен аяқтағанымыз үшін қуаныштымыз. Күні бүгінге дейін жанжалдар орын алған Еуразия аймағының қазіргі тұрақтылығының жалғасуы әрі еуразиялық, әрі көршілес елдер үшін өте маңызды болып табылады. Түркия Еуразияны түрлі қауымдастықтар мен мәдениеттердің бейбітшілік пен келісімде бірге өмір сүретін үлгі аймақ ретінде көргісі келеді, сондықтан елдердің тәуелсіздіктері негізінде қалыптасып, экономикалық тұрғыда өзара тиімділік шешуші рөл атқаратын ынтымақтастық аясында қарым-қатынастарды дамытуға аса зор мән береді. Еуразия ғылыми-зерттеу институтының мақсаты Түркия мен Қазақстанның бірлесіп құрған Ахмет Ясауи университетінің филиалы ретінде ең алдымен Түркия мен Қазақстанның саясаттарына қолдау болатындай екі ел арасындағы қарым-қатынастардың дамуына, соның ішінде аймақтағы бейбітшілік пен тыныштықтың сақталуына зерттеулер арқылы ықпал ету болып табылады.